Ninanakaw ang bawat sandali
Mula sa pagsulyap hanggang pagtitig;
sa pagdaupang palad hanggang sa pagyakap ng ating mga palad;
sa pagngiti hanggang sa maglapat ang ating mga labi.
Category: tula
I have all these things that I want to say to her, like… Like how I can tell that she’s a lonely person, even if other people can’t. ‘Cause… ‘Cause I know what it feels like to be lost and lonely and invisible. – Simon James
Day 16 A picture of someone who inspires you
Silang mga taong makakasalamuha, nakasama at kasama ko sa aking paglalakbay.
Ang bawat lugar na pinuntahan ko ay may partikular na taong dapat kitain muli; at sa bawat partikular na lungsod o nayon na aking pupuntahan ay kailangang lumikha ng alaala na babalik-balikan.
Photo first posted: http://livelaughlovedotnet2.files.wordpress.com/2014/04/gothere.jpg
Sa Cloud 9
Wala namang espesyal
sa mga ilaw
na iba’t ibang kulay,
pero mahalagang
tinatanaw ko ang mga ito
mula
sa
malayo.
Laban sa Unang Kampaniyang Paglibid*
Nagdiringas ang kagubatan sa ilalim ng alapaap,
Dumadagundong ang galit ng mga kawal hanggang sa kalangitan.
Kinukubli ng ambon ang rurok ng Lungkang.
Sabay-sabay na hiniyaw:
Nakubkob ang ating bungad Chang Hui-tsan!
Dalawang daang libong matatag na kawal
Ang kaawayAng lumikha ng asbok pabalik ng Kiangsi.
Milyong manggagawa at magsasaka ang pumukaw
Para kolektibong lumaban,
Sa makatarungang digma sa palibot ng paanan ng Puchou!
*KaMAO
Mga Salin ng mga Tula ni Mao Zedong
Kopyang pang-internet, ipinaskil noong
Disyembre 26, 2013– sa ika-120 kaarawan ni Mao Zedong
Para tignan ang iba pang salin:
One way kiss*
Mahilig ka sa matamis
kaya
ninakawan mo ako ng halik,
sa labi.
Hindi ka nakuntento,
kinagat mo pa
ang dila ko.
*RIP sa iyo, langgam.
Dagat Pasipiko
I.
Kung gising ka ngayong hating gabi
marahil nakatingin ka sa langit.
Pinagmamasdan ang bawat bituin.
Marahil tatanungin mo
kung saan bituin ako naroon.
Habang ako
ay nasa dalampasingan
hinahanap sa dagat
(hinahanap ko)
kung saang bituin kita matatagpuan.
II.
Sa dulo ba nitong dagat Pasipiko
matatagpuan ko ba kahit ang anino mo?
Kaya ko kayang bilanganin
ang bawat paghampas ng alon sa alon?
Kaya ko bang sukatin
ang lalim ng dagat na ito?
Kaya ko ba?
Kaya ko bang tawirin ang dagat Pasipiko?
Paano?
Paano?
III.
Sabi nila
ang kulay Luntian na tubig ay mababaw.
Habang ang Bughaw ay malalim.
Sa gitna kaya nitong dagat Pasipiko
anong kulay kaya?
Gusto ko malaman
kung anong kulay ang namamagitan sa atin.
December 19, 2012
Punta Gravida, Pagudpod, Ilocos Norte
Para kay D
Mistulang
a
l
i
t a
t
a
p
ang mga ilaw
sa abalang siyudad.
Hindi alintana
ang musika
na
nililikha
ng mga
busina
mula sa
i
b
a
b
a
.
At
tanging
Oyayi
ng mga
kuliglig
ang
karamay sa
pagmuni-muni.
Inaalala ka bawat sandali.
Ika-8 ng Nobyembre 2012
Antipolo, Rizal
 |
| Photo from: http://farm6.staticflickr.com/5043/5299133193_bd7a7810fc_z.jpg |
Paghihintay
Ilang taon mo na ba siyang inaantay?
Ilang buwang hinahanap?
Ilang araw at gabi ka na bang lumuha buhat ng siya ay mawala?
Asan ka na nga ba?
*Para sa lahat ng naghahanap sa kanilang minamahal na nawawala.
Banqueta
Kahit ilang beses
Ako magpakalango sa alak
malimutan lang kahit saglit
ang nararamdaman ko para saiyo
mananatiling bigo
ang pansamantalang paglimot
matapos ang magdamag na inuman.
***
Magdamag man ako sa inuman
Mawaglit ka lang kahit saglit
Ikaw pa rin ang aking pulutan.
***
Isang kaha na ng alak
Ang nauubos ko
Pero hindi pa din ako
Tinatamaan
Bukod sa tamang
Nakamit ko mula sa iyo.
Ika-17 ng Hunyo 2012
PAHINA 
